بحریہ ایجوکیشن اینڈ ٹریننگ سسٹم کی زیر نگرانی قائم ہونے والےبحریہ فاؤنڈیشن اینکر سکول ڈھڈیال اور چکوال کاافتتاح کر دیا گیا
بحریہ فاؤنڈیشن کے ذیلی ادارے بحریہ ایجوکیشن اینڈ ٹریننگ سسٹم کی زیر نگرانی قائم ہونے والےبحریہ فاؤنڈیشن اینکر سکول ڈھڈیال اور چکوال کاافتتاح کر دیا گیا۔
چکوال کی عوام کے تعلیمی رجحان اور بحریہ فاؤنڈیشن پر اعتماد کو مدنظر رکھتے ہوئے چکوال میں دو نئے سکولزکا آغاز کیا گیا۔
طاہر بشیر چیف آپریٹنگ آفیسر اور کیپٹن ریٹائرڈ فیاض حسین ڈپٹی ڈائریکٹر بحریہ ایجوکیشن اینڈ ٹریننگ سسٹم کا افتتاحی تقریب سے خطاب
افتتاحی تقریب میں چوہدری سلطان حیدر علی خان پارلیمانی سیکرٹری پنجاب کی خصوصی شرکت
تفصیلات کے مطابق بحریہ فاؤنڈیشن کے ذیلی ادارے بحریہ ایجوکیشن اینڈ ٹریننگ سسٹم کی زیر نگرانی بحریہ فاؤنڈیشن کالجز کی شاندار کامیابی کے بعد چکوال میں بحریہ فاؤنڈیشن اینکر سکول کے نام سے چکوال اور ڈھڈیال کیمپس کا آغاز کیا گیا جن کی الگ الگ افتتاحی تقاریب گزشتہ روز منعقد ہوئیں۔ طاہر بشیر چیف آپریٹنگ آفیسر اور کیپٹن ریٹائرڈ فیاض حسین ڈپٹی ڈائریکٹر بحریہ ایجوکیشن اینڈ ٹریننگ سسٹم نے افتتاحی تقریب سے خطاب کرتے ہوئے کہا کہ چکوال کی عوام کے تعلیمی رجحان اور بحریہ فاؤنڈیشن پر اعتماد کو مدنظر رکھتے ہوئے بحریہ فاؤنڈیشن اینکر سکولز کا آغاز کیا گیا ہے۔ افتتاحی تقریب میں چوہدری سلطان حیدر علی خان پارلیمانی سیکرٹری پنجاب نے خصوصی شرکت کی انہوں نے چکوال میں قائم ہونے والے نئے تعلیمی اداروں پر مسرت کا اظہار کرتے ہوئے بحریہ فاؤنڈیشن کے معیاری تعلیم کی فراہمی میں موثر کردار کا خراج تحسین پیش کیا۔ اور منتظمین کا مبارکبا ددی۔
افتتاحی تقریب میں اخبار نویسوں سے گفتگو کرتے ہوئے ذمہ داران کا کہنا تھا کہ بحریہ فاؤنڈیشن اینکر سکولز بحریہ فاؤنڈیشن کا پراجیکٹ ہے جن کا پورا سسٹم اور سلیبس بحریہ فاؤنڈیشن سکولز / کالجز والا ہی ہے۔ طاہر بشیر نے کہا کہ چکوال کی عوام کے اعتماد کی بدولت بحریہ فاؤنڈیشن کے دو کیمپس شاندار کامیابی سے چل رہے ہیں اور اسی اعتماد کی وجہ سے گزشتہ سال بحریہ کا نیا کیمپس تعمیر کرکے چکوال کی عوام کو تحفہ دیا گیا اور اب ملک رب نواز اعوان اور ان کی تجربہ کار ٹیم کے ساتھ مل کر بحریہ فاؤنڈیشن اینکر سکول ڈھڈیال اور چکوال کیمپس کی بنیاد رکھی گئی ہے۔سکول کےسی ای او ربنواز اعوان نے جو ریٹائرڈ بینکار ہیں اور موضع سرکال کسرسے تعلق رکھتے ہیں خطاب کرتے ہوئے کہا کہ بحریہ فاؤنڈیشن اینکر سکول اور کپس کالج ڈھڈیال جیسے ادارے مٹی کا قرض اتارنے کے لئے قائم کئے ہیں۔ تقریب میں ڈھڈیال پریس کلب کی نمائندگی صدر پریس کلب ظہیر یوسفی، جنرل سیکرٹری ریاض بٹ، مسرت جعفری اور خرم شہزاد نے کی۔تقریب میں سابق وائس چئیرمین ضلع کونسل خورشیدانور بیگ، مسلم لیگ راہنماء رانا بشیر سراج، مشتاق حیدر ایڈووکیٹ، سفیر حسین ماجد ایڈووکیٹ، نوید عباس ایڈووکیٹ، ملک وسیم ایڈووکیٹ، فیصل حبیب ایڈووکیٹ، محمد فاروق، مرزا محمد اقبال، عثمان جاوید پرنسپل کپس کالج چکوال، شہزاد حمید، چوہدری خالد محمودکے علاوہ سول سوسائٹی سے معززین اور اساتذہ کرام شخصیات شریک ہوئے۔بحریہ فاؤنڈیشن اینکر میں نئے داخلوں کا آغاز ہو چکا ہے اور عید الفطر کے بعد باقاعدہ کلاسز کا آغاز کر دیا جائے گا۔
کوئی تبصرے نہیں