عوامی مسائل کے بروقت ازالہ کی ترجیح کو مقدم رکھا جائے گا، سارہ حیات
چکوال(نامہ نگار) وزیر اعلی پنجاب مریم نوازشریف کی گڈ گورننس پالیسی کے تحت ڈپٹی کمشنر سارہ حیات نے اپنے دفتر میں عوامی مسائل سنے اور مسائل سے آگاہی حاصل کرنے کے بعد ان کے بلا تاخیر حل کے لئے متعلقہ محکموں کے افسران کو فوری نوعیت کے احکامات موقع پر جاری کیے ۔ ڈپٹی کمشنر نے عوامی مسائل کے ازالہ کے لئے افسران کو تاکید کی کہ عوامی مسائل پر مبنی درخواستوں پر تیز رفتار کارروائی یقینی بناتے ہوئے درخواست دہندگان کو کم از کم وقت میں ریلیف فراہم کیا جائے۔ ڈپٹی کمشنر نے اس موقع پر کہا کہ عوامی مسائل کے بروقت ازالہ کی ترجیح کو مقدم رکھا جائے گا۔
کوئی تبصرے نہیں